قبل اسبوعين تقريبا رحنا تعشينا ويا امي و ابوي و ابوي اختار مطعم Green Apple
المطعم مكون من 4 طوابق كل طابق فيه مطعم، عندهم مطعم صيني و مطعهم لبناني و مطعم ايراني و الرابع هندي و اظن هم في مكان مخصص للـ VIP
عاد قلنا نروح الايراني لأن الاسيوي انا كلش مو صوبه و الهندي اكيد في فلفل و انا ماحب الشي الحار و ملينا من اللبناني
طبعا اول ما سفطنا و نزلنا من السياره استقبلونا و دخلو معانا
بعدين لما دشينا ما كان زحمه
هني اول ما طلعنا من الاصنصير
المنيو
ضيفونا خبر حاااااااااار توه طالع من التنور
و سبانخ مع روب جنه
و جبن و زيتون
ابوي طلب خشخاش
انا طلبت كباب كوبيده
اختي طلبت كباب على دياي مادري شسمه
امي طلبت كباب حسيني، اهوا بالصج مو كباب، قطع لحم مثل التكا
و هذا صحني بعد ما ساعدني ابوي لول
الفاتوره
رايي:
المكان حلو و هادي و عجبني سيرفسهم و اييبون لك الاكل حار فحتى لو مو يوعان بتيوع
اطباقهم زينه و تشبع و هم اسعارهم وايد مناسبه
هل راح افكر اروح له مره ثانيه؟
اكييد
3 التعليقات:
شوقتيني عالأكل الايراني
بالعاااافية :*
hadeelq8
لازم تجربينه!!
انا عجبني خصوصا ان الاكل اييبونه حااار و الخبز حاار فحده يكون عجيب
الله يعافيج هدوله
ابي أفضل مطعم شعبي بالكويت
و أفضل مطعم شاورما
و أفضل مطعم لبناني
و أفضل مطعم بحري
بليييز ساعديني
إرسال تعليق