TAZA Chocolate

قبل مده وصلتني صوغة من امريكا و من ضمنها كان هالككاو العجيب
متوفر باكثر من نكهه و كله اورقانك يعني ما فيه مواد حافظه ولا شي 










تقدرون تاكلونه عادي ، و ممكن اسوي منه هوت جوكليت ، و هم ممكن تستخدمونه حق الكيك، لان ما شاء الله كل بار شمتنه
اكثر اثنين عجبوني اللي على دارسين و قهوه
و حبيت انه كل مكوناته طبيعيه لو تلاحظون شويه مكونات و كله اورقانيك

Lip Care

بما ان شفايفي دعله و كله متشققه و جافه و مطلعه روحي
قمت اجرب كل شي لعل و عسى القى شي يخليها احسن

و راح اوريكم شنو الاشياء اللي استخدمها و شنو اللي حبيته و اللي ما حبيته

بالترتيب من تحت لي فوق
لابيلو فروتي شايني، زين بس ماحب اللمعه، باطين جبدي ليش قامو ما ينزلون القديم اللي بدون لمعه كان عجيب
الاسود ماخذته من Bath & Body Works حلو منعش رحيته على نعناع و انا احب جذي و فيه حمايه من الشمس و جنه بعد فيتامين E
الثالث لابيلو هم بو لمعه بس لونه غير عن اول واحد، و مو حابه سالفه اللمعه احس مالها داعي، ماحب براطمي تملع و تلق s:
الرابع مال سيبا ميد، كل من مدحه لي  و يت فتره تشققت شفايفي حيل و استخدمته بس مادري ما حسيت وايد نفع، بس حق الاستخدام اليومي زين، و عيبه الوحيد احس فيه ريحه مادري شلون صايره
اخر واحد الابيض من البيان دنتل كلنك، حلو و استخدمه من وقت لي ثاني

الحين انيي حق الشي اللي استخدمته و له مفعول سحري
الشي الوحيد الي فادني وايد
لب سكرب ماخذته من The Manhattan


 طعمه على براون شقر، طريقة الاستخدام انج تاخذين منه شوي بصبعج و تحطينه على شفايفيج و تسوين لهم مساج بطريقة دائريه لعده دقائق، بعدين تمسحينه بكلينكس او فوطه صغيره
راح تحسين ان شفايفج صارت ناعمه، و حمره لول
و طعمه عجييييييييييييب
سعره 8 دنانير
طبعا اول شي استغليته لأن وايد صغير ، شوفو حجمه مقارنه بالزبده مالت لابيلو
بعدين قلت خل اجربه ، و جربته و عجبني

تقدرون تطلبونه من هني 

آخر مشترياتي - My Latest Purchase

الاسبوع اللي طاف شريت لي هالسشوار من الكتروزان
عاد عندي شكثر خرابيط حق الشعر، عندي كيرلنق ايرون و عندي ستريتنر ، بس طماعه ابي بعد لول
لا و يا ريت استخدمهم، مقطوطين ما استخدمهم الا من وقت لي وقت

عاد شفت هذا و عجبني لأن فيه كذا شغله مره وحده 8 ان 1 
و سعره مناسبه، اظن خذيته ب11 دينار، و هم ماركته زينه




 القرنتي و الكتيبات

 هذا الرئيسي
هذيلا الباجي، الستريتنر فيه قطعه تشلعينها يصير تكسير

علي بالعافيه و ان شاء الله استفيد منه

مسابقة الابتسامة الجميلة من أسنان كلنك

تعلن أسنان كلينك عن إقامة مسابقة الابتسامة الجميلة

إذا كنت تعتقد أن ابتسامتك جميلة فكل ما عليك فعله هو تحميل لصورة أسنانك بابتسامة عريضة في صفحة Asnan Clinic 
. و سوف يحدد الفائز بعدد الأصوات التي يحصل عليها و تحسب فقط الأصوات التي قدمت عن طريق الضغط على "لايك " 
وسوف نقفل باب التصويت وتعلن النتائج في 10-10-2011

وستكون الجائزة للمراكز الثلاث الاولى عبارة عن فتح ملف و فحص كامل على للاسنان و اللثة تنظيف وتبيض مجاني لتشجيعهم في المحافظة على جمال الاسنان
• أن تكون الصورة واضحة كما في المثال
• أن لا يقل عمر المشارك عن 13 سنة 
•أن لا يكون المشارك قد اجرى اي تحسينات على الصورة من خلال الفوتو شوب او اي برنامج اخر
• أن يشارك المشارك بأتسامته فقط لا يحق ان يشارك بابتسامة غيرة
•أن تكون أسنان المشارك طبيعيه " خالية من التركيبات و البورسلان"
•Info@asnan.com

للأشتراك دخلوا صفحتهم على الفيس بوك FB

اللي حاب يعرف اكثر عن اسنان كلنك


Sweet 'n Cup Apple's Application for Iphone

Sweet 'n Cup  طرحوا قبل جم يوم ابلكيشن خاص فيهم موجود بالاب ستور
و تقدرون تطلبون منه 

خطوه حلوه و فكره يديده محد سواها من قبل

هاذي صور للابلكيشن 


تقدرون تنزلونه من هني





اللي حاب يعرف اكثر عن سويتن كب :
رقمهم: 97977967
و لا تنسون اتابعونهم في تويتر عندهم مسابقات يوميه و الجوائز لذيذه @sweetncup

بوستاتنا السابقه عنهم تلقونهم هني

Chocolatness ♥

احـــــــــــــــــــــلـــــــــــــــــــى مـــــــــــــــولــــــــــــــتــــــــــــن




عذاب هالمولتن عذااااب
عاد تصدقون، وحده من رفيجاتي طباخهم يضبطه، نفسه بالضبط، نفس الطعممممم

حدي مشتهيه اروح لهم اجرب الاطباق اليديده خصوصا Frozen Cheesecake Bites  كل من يمدحه
بس الدواااااااااااام و ما ادراك ما الدوااااااااام، ارد منهد حيلي مالي خلق شي
بس ان شاء الله بحاول اروحله

Dear Romeo & The Muffin Terror

ذاك اليوم اشتهيت مف، قلت خل اروح اسويلي، كنت شاريه من الجمعيه باكيتات بيتي كروكر
بطلت الجيس، بعدين بطلت الكرتون، توني اسحب الجيس ولا الاحظ ان مشقوق و طشر من البودر على الطاوله ، شوي ولا اشوف اشياء سودا، اول شي قلت هذيلا الجوكلت جبس بس بعدين قامو يتحركون !!!
يماااااااااااااااا شهالجوكلت جبس ??
ولا اكتشف ان فيه حشرات، لا و حيه بعد مو ميته





جان تلوع جبدي استغفر الله
شلون جذي؟؟؟ الكرتون مغلف بجيس بلاستك و الجيس مال الخلطه محطوط بالكرتون!! هالحشرات من وين يو؟؟ بس اهوا الجيس من الو ما طلعته مشقوق!!

عاد بس لاعت جبدي من المفن طلع من خاطري، بعد ما اكل مفن سنه كامله
ما يسوى علي هالمفن اللي اشتهيته صارلي فلم رعب

زيارتي لأسنان كلنك - My Visit to Asnan Clinic


في شهر رمضان، الدكتور هادي الصفار اختصاصي الللثة و زراعة الأسنان التجميلية من أسنان كلنك سوا مسابقة على تويتر، كل يوم يحط صورة لأداه يستخدمها طبيب لااسنان و المطلوب ان تحدد وظيفه الاداه، و كل 10 ايام يختار فايز، انا و لله الحمد كنت اول فايزه و الجائزه كانت عباره عن تبييض اسنان منزلي
تواصلت مع الدكتور و عطيته رقم تلفوني و دقوا علي العياده و حددت موعد، و كان موعدي يوم الخميس اللي طاف الساعه 6

 وصلنا



الwaiting lounge 


 نادوني و سولي اشعه بانوراميك الكبيره

 بعدين الدكتور هادي فحص اسناني عشان يشوف اذا يناسبهم التبييض، و طلع كل شي تمام
و سألته اذا التبييض ممكن يضر اسناني و قال لأ
الدكتور كان حده عجيب و دمه خفيف

بعدين سوولي تنظيف و قوالب حق bleaching tray
الصراحه سوولي تنظيف من قلب، يعني انا قبل شهر كنت مسوية تنظيف صج ما خليت الدكتور يكمل بس حسيت فرق علي، احس ما سوالي بضمير، و هم ما عوروني وايد و اللي سوتلي ما كانت دفشه و تدير بالها و تحملت دعالتي

بعدها عطوني موعد يوم السبت حق استلم عده التبييض و يعلموني عليه

رحت يوم السبت الصبح، اول شي الاسستنت كانت بتعلمني عن الطريقة الصح بالتفريش بس انا شطوره ما خلتيها تعلمني لول ، قلت لها الطريقه و قالت لي صح، بعدين بدت تشرحلي شلون استخدم عدة التبييض، و الصراحه كان بالها وسيع لان امي ما قصرت معاها بالاسئله سؤال ورا سؤال لول
و لما بنطلع ودعتنا و قالت لي اتابعهم على تويتر دايما و اقول حق my friends






و ان شاء الله بجرب التبييض و بقولكم عن النتيجة
مشكور دكتور هادي على الهديه الحلوه
كانت تجربه حلوه مع اسنان كلنك ، ارتحت لهم، خدمتهم وايد حلوه


They show you that they care about their patient & their team spirit is so obvious. Loved the hospitality, such a wonderful experience. Next time I need to see a dentist, I'll definitely head to Asnan Clinic.

Don't forget to follow Dr. Hadi Al-Saffar & Asnan Clinic, enjoy their lovely tweets & participate in their contests, you never know, you may be their next winner  ;)


للي حاب يعرف اكثر عن اسنان كلنك

Asnan Clinic.. Coming Soon

يوم الخميس كانت لي زياره لأسنان كلنك و ان شاء الله بكتب بوست كامل مفصل عن هالزياره



 Stay Tuned ;))

Smart Note Book - دفاتر آخر زمن

ذاك اليوم راحت المكتبه اشتري لي اقلام و لا مسوين مهرجان القرطاسيه.. مال العوده للمدارس ما غيره
عاد رحت اشوف الدفاتر جود القا دفتر حلو ولا اطيح على دفتر شي شي
دفتر مودرن 
اخر موديل

شوفوا شلقيت



شرايكم فيه؟

الزنجبيل حل لمشكلة تساقط الشعر


بما ان اغلب البنات اسمعهم يتشكون من تساقط الشعر، وصلتني هالمعلومات بالايميل و حبيت اشاركم فيها
اصلا احنا جربنا كل شي ، شورانا، خل نجرب هذا جود يفيدنا :((((


ماهو الزنجبيل؟؟؟
الزنجبيل نبتة من نباتات المناطق الحارة له طعم لاذع ويتمتع بالعديد من الفوائد وسنركز حديثنا على

الزنجبيل وأنواعه:
 زنجبيل بلدي وهو الراسن - زنجبيل شامي - زنجبيل العجم- زنجبيل فارسي- زنجبيل الكلاب - زنجبيل هندي، فوائد الزنجبيل مضار الزنجبيل

الزنجبيل حل لمشكلة تساقط الشعر

إن مشكلة تساقط الشعر أصبحت اليوم مشكلة وظاهرة تستدعي الاهتمام
فعلى الرغم من أن السبب الحقيقي مازال يعتريه بعض الغموض إلا أن هناك عددا من الأسباب باتت معروفة
نذكر منها : " عوز الحديد - حدوث أذية في فروة الرأس - فرط إفراز هرمون Dht قصور الدرق - الشدة النفسية وغيرها من الأسباب
حيث يشكل الشعر مؤشرا هاما يدل على صحة الجسم فهو بمثابة علامة إنذرا وجود خلل أو نقص في أحد الفيتامينات أو المعادن الرئيسية

فعلى سبيل المثال :

1- إن فرط الإفرازات الدهنية في الشعر دلالة على نقص فيتامين B


2- الشعر الجاف أو المتكسر قد يشير إلى حدوث نقص في المواد الدسمة الأساسية
3- الشعر ذو اللون الكامد والشعر ضعيف النمو دلالة على عوز الزنك
4- تساقد الشعر يشير إلى عوز الفيتامينات (b1 .c ) وعوز الحديد


 إن معظم الناس ممن يعانون من مشكلة تساقط الشعر يلجؤون إلى الأدوية أو إلى إجراء عمل جراحي كزراعة الشعر لكن الأمر الذي لا يدركه هؤلاء هو
أن الأدوية والعمليات الجراحية فضلا ع تكاليفها المادية فهي لا تخلو من الّثار الجانبية الضارة و المخاطر

فإن الطريقة الأكر أمانا تكون باستخدام المعالجة الطبيعية وتتضمن :

1- نظام غذائي متكامل ومتوازن .
2- استخدام النباتات التي أثبتت فعاليتها في علاج هذه المشكلة كالزنجبيل .
3- ممارسة التمارين الرياضية لتنشيط الدورة الدموية .
4- استخدام التقنيات المناسبة للعناية بالشعر .

* ماهو دور الزنجبيل في المحافظة على سلامة الشعر؟؟؟؟؟

إن تأثير الزنجبيل المنشط للدورة الدموية يزيد من التروية في فروة الرأس ووصول الدم حاملا معه المواد الغذائية للجريبات الشعرية
حيث أثبتت الدراسات أن تدليك فروة الرأس بشرائح الزنجبيل الطازج في الأماكن التي يكثر فيها تساقط الشعر وبشكل يومي يؤدي إلى تحسن ملحوظ في قوة الشعر

هذا فيما يتعلق بالتأثير الموضوعي للزنجبيل أما بالنسبة للاستخدام الجهازي : 
فإن غنى الزنجبيل بعنصر الكبيرت يجعل منه مصدرا هاما يزيد من جمال الشعر ويمنع تساقطه
حيث يدخل الكبريت في بناء الكولاجين والكيراتين وهي البروتينات المسؤولة بشكل أساسي عن صحة الشعر " كما يزيد من قوة الأظافر ويمنع تقصفها "


وينبغي أنا لا نغفل أهمية التأثيرات الأخرى التي يتمتع بها الزنجبيل منها :

1- يخفف ألم العضلات والمفاصل .
2- يخفف الإحساس بالغثيان والإقياء .
3- يتمتع بتأثير مساعد على الهضم .
4- يمنح الجسم الإحساس بالدفء .
5- يخفف من ألم الشقيقة .
6- يقلل من التكلس الصفيحي وبالتالي يقلل من خطر الإصابة بأمراض القلب .
7- مضاد أكسدة قوي .
8- يتمتع بتأثير إيجابي على المزاج والحالة النفسية .

إن إدخال الزنجبيل في حياتنا سيؤي إلى تحسن ملموس في الصحة العامة لنحيا حياة صحية وسليمة


VIVA Kuwait نبي فزعتكم الازرق يستاهل

في بادره طيبه منها، قامت شركه فيفا للاتصالات بدعوة المدونين لحضور مباارة منتخبنا الوطني ضد كوريا الجنوبيه غداً على استاد الصداقة و السلامه و خصصت مشكوره مقاعد خاصه للمدونين في المقصورة


للأسف عندي التزامات و ما راح اقدر احضر المباراة، بس احب اشكر VIVA على البادره الطيبه، ما قصرتوا رايتكم بيضه
و بالتوفيج للأزرق، ثقتنا فيكم كبيره، عسى ربي يوفقكم ، و يكون الفوز حليفكم

Applebees Review

اليوم رحنا و تسكعنا بالافنيوز (على قولة النوري) و قررنا نتعشى بأبلبيز

قعدنا نقولب بالمنيو لما قررنا شنو بنطلب 

 مقبلات مشكله، لاحظت السوس اللي بالوسط مقللين كميتها مو مثل قبل


 عصيرنا المفضل، كلنا طالبين نفس الشي لول
 فاهيتا مادري شنو

خبز و طماط و زبده و جبن ياي مع طبق الفاهيتا

سزلنق جكن ويا عيش

 باستا بجبنه البارميزان الفريدو سوس و السبانخ

* اول ملاحظه الكل علق عليها اول ما يابو لنا الاطباق الرئيسيه اهيا ان الكميه قليله مو مثل قبل!!

الحين يا وقت الحلو
 طلبنا سندي جوكلت فدج، تارسه كريمه الله يهداه

 و طلبنا هالككيه ، عجيبه مثل المولتن، اظن اسمها تربل جوكلت مولتن

 بعدين ما شبعنا، ردينا طلبنا براوني، كان لذييييييييذ


و الحين اخليكم مع صور من مسرح الجريمه


 و احنا ننطر الحساب قمنا نتصفح المنيو ولا نطيح على موخيتوز لووووول
اسمه يموت من الضحك،، نكتــــــــــــه

و هذا حسابنا كان 31 و 200 فلس ، بعد الخصم 10% صار 27 و شي
السعر جدا معقوووووول

هل راح نكرر التجربه؟
أكييييييد