تطبيق مولتن Chocolateness

مساء الخير

تذكرون وصفة مولتن جوكلاتنس  اللي كتبتها بالبلوق، جربتها شخصيا و قلت اوريكم الصور و ملاحظاتي على الوصفه



اول شي طلعت بالضبط بالضبط نفس طعم جوكلاتنس لذييذه و الكل مدحها و ماشالله بسرعه خلصوا مع اني مسويه وايد
انا غلطت بحجم القصدير و طلعت شاريه كبار فما التزمت بالمقادير، و بعضهم صار صوص الككاو اللي فيهم شوي، فلازم تلتزمون بحجم القصدير و الكمية مثل الوصفه
بالنسبة لسالفه ان خلطة الكيك تنحط و فوقها خلطه الكيك، النتيجه بتكون كيكه و بالنص بحيره ككاو، يعني لما تقزين الكيكة بالشوكه راح يطلع الككاو، فإذا تبين الكيكة بالنص و حوالينها الككاو جنها جزيره بالبحر تسوون العكس تحطون خلطه الككاو اول و فوقها خلطه الكيك
يمكن لما تحطون المقادير بالقصدير تحسونه شويه و انا صارت فيني فزدت عليه شوي، انتو لا تزيدونه لأن لا حطيتوه بالفرن بتنتفخ الكيكة و ما تبونها تطفح


اللي ما جربها جروبها  ترى حيل سهله و بسيطه و قولولنا شرايكم

ملاحظه: الصورة صورتها ثاني يوم فيمكن تلاحظون الكيكة فاشه بس اهيا اول يوم تكون متفوخه شزينها

I LOVE SUZANI ♥

الاسبوع اللي طاف كنت توني راده من الدوام و حدي تعبانه
شوي ولا اسمع صوت الجرس و بعدها نادتني الخدامه ولا تقولي في شي حقج!! استغربت لاني ما كنت ناطرة شي
رحت شفت ولا جيس من I Love Suzani و داخله شي حلووووووووووو

خل اوريكم



Ipad & laptop case




الألوان عجييييييييبه

مشكوووره هبوش اكرمج الله كلج ذوق 

طبعا I Love Suzani  غنية عن التعريف عندها فناتق عجيبه ما تحصلونها بأي مكان ثاني
هذا اكوانتها بتويتر للي حاب يتابعها و يشوف فناتقها @ilovesuzani

Wonderful Dessert

Wonderful Dessert من زمان سامعه عنهم و وايد مادحينهم لي و أخيرا جربته
وايد وايد عجيب و انصح فيه اللي يحبون الككاو.. ما راح تقدرون توقفون بعد اول لقمه لول



 احنا جربنا الحجم الكبير اسمه Chocolate Lava فيه 24 قطعه ب 10 دنانير
 حبيته كان وايد لذيذ و خفيف 
حتى كريمة الككاو غير عن اللي مجربتها من باجي المحلات كانت لذيذه و خفيفه يعين حتى لما حطيناه بالثلاجه ما يصصت

رقمهم 94445922




فن البيوت

اليوم بوريكم حصيلة امي من معرض P2BK كويتي و افتخر

خذت هالشغلات من فن البيوت 








الطقم اسمه Clear Dot 
مكون من 12 استكانه و 12 فنجان قهوه و 12 قلاص

و خذت بعد مثل علبه جلديه حق الكلنكس تصلح حق الجنطه بس طلع شكلها وايد غير عن اللي بالموقع

لما شفت موقعهم حبيت كذا شغله مثل المطارات تحطون عليها اسمكم او الصوره اللي تبونها، هذا اكثر شي عجبني

تويتر @fanalbeyoot
رقمهم ٩٤٤٥٠٣٧١

Brown Diamond


 

عباره عن ككاو فيه مارشميلو و بسكوت
انا ما كليت منه لأن ماحب المارشميلو و اللي جربوه قالو وايد حالي

العلبه الكبيره ب 12 و الصغيره ب 6