كيكة العيد - Dear Romeo's Eid Cake Recipe


هالعيد وعدت الأهل بكيكة تبيض الويه، و الحمد لله سويتها و نجحت و عجبت الكل
وايد ناس طلبوا مني الطريقه فقلت احطها لكم هني

الكيكة سهله وايد و بسيطه بس الفكره بطريقة التزيين و التقديم

المقادير

علبتين كيك، احسن شي سارالي بس ما حصلت فخذيت بترا هم زين
6 آرو و بار دارك جوكلت (ممكن تستخدمون جالكسي بس انا افضل الآرو لأنه اخف)
3 قيمر kdd
( تقدرون تقدرون على حسب حجم الكيكة اللي بتسوونها)

 هالككاو للتزيين





و نحتاج ماعون دائري

اول شي نقصص الكيك و نصفه
بعدين انييب الككاو القيمر و نحطهم بحمام مائي و نخلطهم لما يذوبون عدل و نصب طبقة فوق الكيك
و نرد نصف طبقة ثانيه من الكيك، هالخطوات نكررها على حسب عمق الماعون
و آخر طبقه نصب الككاو 
بعدين نستخدم شرايح الككاو حق التزيين
نصفهم على شكل دائره كبيره من بره لي داخل

و بعدين نخليها بالثلاجه لي ثاني يوم

تقدرون تعدلون على الكيكه على ذوقكم، مثلا تقدرون تسوونها كيكة ككاو و كوفي، تضيفون من ضمن الطبقات طبقة بسكوت بتي بور مغمسينه بنسكافيه

الشكل النهائي





عيدكم مبارك


عيدكم مبارك و كل عام و انتم بخير


باستا دزني - Disney Pasta



الاسبوع اللي طاف كنت قاعده احوس بالجمعيه مكان الباستا 
ولا القى باستا على هلو كتي و شخصيات دزني حق اليهال




احس خوش فكره حق اليهال الدلوعين اللي ما ياكلون 
ممكن الاشكال تغريهم و تخليهم ياكلون عدل