DIY: Make Your Own Sonw Globe
الاشياء اللي راح نحتاجها:
A small jar غرشه صغيره
لمعه لون واحد او اكثر
صمغ ضد الماي
لعبه صغيره * من سيراميك*
ماي
و هذي الطريقه بالصور
اليوم ١١٦: بدون حماية!
قبل يوم واحد
و انا قاعده افتر في عالم الشبكه العنكبوتيه طحت على صورة عجيبه مثل توتوريال يعلمج شلون تحطين آي لاينر و حدي استانست على الطريقة و ناويه اجربها انشالله لأن كلش ما اعرف احط آي لاينر
جزء من فطورنا يوم الثلاثا كان من مطعم منقوشه
جربنا الصاج بكل انواعه مسخن و شيش طاووق و شاورما لحم و دياي و معاهم فرنش فرايز و كاتشب و تبوله و حمص
الشيش طاووق و المسخن كانوا لذيذين و صاجهم وايد حلو مو عيين ولا يابس just perfect
مع الصاج ايي صاج فوندو عبارع عن صاج داخله نوتيلا و رايس كرسبي و رهش و سينابون و معاه سوس ككاو و بندق للتغميس!
هذا واحد من عروض رمضان، و عندهم عروض غيرهم
تقدرون تشوفون عروضهم بالتفصيل بصفحتهم في انستاقرام @Manousheq8
ارقامهم 97277800 – 97212326
Elements, Guilt-free Bakery
بداية هالصيف وصلتنا نقصه من Elements Bakery و قبل لا اتكلم عن نقصتهم حبيت اتكلم اكثر عن المشروع و فكرته، Elements Bakery متخصص بالحلويات و الموالح اللي تحتوي على سعرات حراريه قليله
مديرة المشروع تقول :
"elements is a guilt-free bakery offering delicious, low-calorie dessert options that won't break the scale!
Our products have been developed alongside a team of licensed professionals in the field of nutrition, and calories have been carefully calculated."
انا عن نفسي وايد حبيت فكرة المشروع، و حسيت منتجاتهم تصلح بشكل خاص للزواره! لأن هالايام مافي زوارة الا و فيها احد كل ما قدمتوا له حلو او موالح قال " مسوي رجيم" و طبعًا البعض يخربط بالاكل بالزواره و بعدين يتحسف لأن يحس ان خرب رجيمه.
نقصة Elements Bakery لنا كانت عبارة عن كيكة الككاو و مجموعة من الصاج قليل السعرات الحراريه
انا عن نفسي وايد حبيت كيكة الككاو! شكلها يشوق و طعمها هم حلو، مو حاليه بزياده ولا تغث! حبيت فكرة انهم حاطين ستكر على البوكس كاتبين فيه كل قطعه من الكيكة جم سعره حراريه فيها!
بالنسبه حق الصاج ، شكله كان مرتب كل قطعة مغلفه بروحها و عليها ستكر مكتوب شنو نوعها و تحتوي على جم سعره حراريه، الحلوم و الزعتر كان حلو و الجبنه بالخضار هم حلوه بس عيبهم كان ان الجبن وايد مالح، الروست بيف و الخضار كانو عاديين، و احلى شي كان صاج التونه خفيف و لذيذ!
Elements Bakery غير الكيك قليل السعرات هم عندهم كيك مخصص حق مرضى السكر، و تقدرون تشوفون منتجاتهم و اسعارهم في اكاونتهم بانستاقرام @eat_elements
مشكورين Elements Bakery و اكرمكم الله
My 1st post since a zillion year
I've been so busy lately
So, We tried the Chocolate Cafe that other day
Loved the colors & the atmosphere
We had some green tea
& I chose this molten cake with milk chocolate
Loved the presentation but I'm not sure about the taste, felt like the cake wasn't well done, I thought I tasted some raw egg :s
Rating 7/10
Would love to pay them another visit to try out sth new from their menu
The Chocolate Cafe is located at Food Circle, Mishref, behind Yarmouk Sporting Club
@ChocolateCafekw
Staying home this summer?! Looking for some fun activities for the kids?
Join Flex Family Summer Camp
قبل اسبوع وصلتني دعوه من Smash Burger لتجربه Las Vegas Burger و All Nighter Salad
و اتفقنا نروح لهم على الغدا
وصلنا الساعه 1 و كان المكان فاضي ، طلبنا Las Vegas Burger و All Nighter Salad و Rosemary fries و Caesar Salad و الجو كان حلو فقررنا نقعد بره
القعده بره عجيبه كل الطاولات مزينينها بالاعلام
سلطة سيزر لذيذه كالعاده
All Nighter Salad
عجبتني ، البصل و البيكن combination ناجح و السوس خفيف ما يغث
Las Vegas Burger كان حلو ، و على اني مو ذاك الزود مع البصل بس احس اهوا كان المكون الناجح
رايي بشكل عام: حبيت السلطه اليديده بس البيرقر ما اتوقع اذا رحت مره ثانيه راح اطلبه، افضل اسوي البيرقر الخاص فيني
و على فكره ترى حده يشبببع
انا ما كملت لا البيرقر ولا السلطه مع ان البيرقر regular مو large
و ماقدرت اتعشا عقب لأن كنت شبعانه
بالاخير احب اشكر Smash Burger على الدعوه، اكرمكم الله
Smash Burger موجود في جمعية مشرف و في The Village و في المهبوله
تابعوهم في تويتر و انستاقرام smashburgerq8@
مسا الخير
تذكرون من قبل كتبت بوست عن رحله Escapade في اوروبا
Escapade team حبو يشاركونكم بنبذه عن رحلتهم هالسنه، الصراحه مبين انهم استانسوا و انها كانت رحلة ممتعه
لما قريت التقارير تمنيت اكون معاهم
بداية الرحلة كانت في برشلونه و من بعدها باريس و برلين و هامبورغ و كوبنهاجن و ستولكهولم و استونيا و سينت بيتسبرغ و انتهت الرحله في امستردام.
اذا حابين تعرفون عن رحلتهم الياية تابعوهم في تويتر و انستاغرام @escapadeq8
السلام عليكم
اليوم البوست عن زيارتنا لمطعم لونا في فندق ميسوني
قبلها بمده سألتهم بتويتر اذا نحتاج حجز او لأ و قالوا ان يفضل نحجز عشان نضمن نحصل مكان، فاتصلنا و حجزنا
المطعم موجود في الدور ال18 و الفيو حده عجيب بس احس الصبح شكله واااايد احلى
المكان شرح و الاضاءه هاديه و اختيارهم للأغاني جداً موفق و يناسب الجو العام للمطعم
المنيو حلو، يخلي الواحد يحتار شنو يطلب
بوفيه السلطات تقريبا اغلب الاشياء اللي جربناها منه حلو الا الدياي، ماذكر دياي شنو بس ما عجبنا كلنا
المقبلات طلبنا 3 انواع و كلهم كانو حلوين
كور الجبن
مكعبات بطاط
ربيان
المشروب المفضل اللي نطلبه بكل مكان، ليمونيد بالنعناع
ما عجبنا كلنا، كان خفيف جنه ماي و مافيه طعم كلش
الحين انيي حق المين كورس
ستيك نسيت شسمه
كان لذيييييذ
هامور هم كان حلو
اخر شي الحلو، ما كان في اوبشنز وايد، ضاق خلقنا لأن مافي شي فيه ككاو اللهم كيكه وحده بس داخلها كسترد
سلطه فواكه مع ايس كريم فانيليا
هوم ميد ايس كريم بنكهة الككاو
كان عجيييب
و بس سلامتكم
بشكل عام كانت تجربه حلوه
الخدمه زينه، الحلو ان يخلونكم على راحتكم مو واقفين على راسكم، بس هم كانو شوي بطيئيين ما نحصلهم على طول لما نبيهم مع ان المطعم كان فاضي مافيه الا احنا
اسعارهم تعتبر منطقيه بالنسبه حق فندق، اذا شفتوا المنيو راح تحسون انها زينه مو مبالغ فيها
و عندي بعد ملاحظه ان المنيو اللي موجود بالويب سايت غير عن المنيو اللي بالمطعم، اللي بالمطعم فيه اوبشنز اكثر
و اخر شي ابي اعتذر لأن بعض الصور blurred و مو واضحه بس الاضاءه بالمطعم كانت خافته و ما تساعد ع التصوير
تقدرون تعرفون اكثر عن Hotel Missoni من
الاشتراك في:
الرسائل (Atom)
