NINO

زيارتنا لمطعم نينو بالافنيوز

اول شي بعتذر لان الصور مو واضحه بس شسوي من الظلمه

و الفلاش ما قصر فضحنا جم مره لول

 المنيو

ملاحظه: طولو وايد على ما يابو طلبنا و كنا ميتين يوع و اييبون الاكل بالقطاره طبق طبق يعني مثلا مو كل المقبلات مع بعض

و ما يستوعبون ان الصحن اللي يفضى لازم يشيلونه، الا احنا نقولهم اول فصار حيل زحمه و لويه على الطاوله

كالعاده طلبت لي عصير ليمون بالنعناع، كان طعمه غريب 

 سلطه

زوينه، قطع الدياي اللي فيها جنه شاورما

كور بطاط، عادي 

مشروم، شكله جنه بيض عيون لول

انا ما دقته لان ماحب المشروم بس الاهل حبوه

اللي لاحظته ان اول كانو يقدمون 3 مشرومات، الحين قللوا العدد صار بس 2

فرايز ما نقدر نستغنى عنه

يضحك ضعيفونو بطاطهم 

اللحم، عادي ما كان واو ولا كان مو زين

الباستا

الطعم تمام بس الكميه حيل قليله

شدعوه يا حافظ ترى جيس المعكرونه بالكثير ب200 فلس

الربيان كان لذيذ

الفاتوره

رايي:

ما راح اروحله مره ثانيه

كان جداً عادي ، و الشي اللي ما عجبني فيه ان اكله مو راهي

يمكن اذا رحت له مرة ثانيه راح اروح بس عشان البيرقر ماله ولا باجي الاطباق اللي جربتهم ما احس يسوون