نتائج تجربتي لتبييض الاسنان المنزلي من اسنان كلنك

مساء/ صباح الخير
بوستنا اليوم عن تجربتي لتبييض الاسنان المنزلي من اسنان كلنك
قلت لكم قبل فتره عن زيارتي لهم هني
و بهالبوست راح اقولكم عن النتيجه

طريقة الاستخدام اهيا اني احط من الجل bleaching tray و البسه لمده 4 اي 6 ساعات باليوم لمدة اسبوعين
و ما اشرب ولا اكل اشياء فيها صبغات ، و قالولي احط الجل حق كل الاسنان اللي فوق ما عدى اللي حاطتلهم كراون ، و الطواحن الي تحت لانهم اصلا ما راح يبينون لي ابتسمت
و استخدم معجون الاسنان اللي كان ياي مع الkit و اذا خلص استخدم سانسوداين وايت

انا اتبعت كل التعليمات و بحذافيرها لمده اسبوعين، كنت احطه و انام فيه و اشيله عقب صلاة الفير، ما سببلي اي الم ولا تحسست منه الحمد لله

و النتيجه كانت كالتالي


Before: A2
After: B1

طبعا النتيجة ما كانت مثل ما توقعتها، ما اقول مخيبه للآمال بس مو مثل ما توقعت
و واجهت مشكله غرييييييبه وايد وايد و ماني عارفه شنو السبب، اسناني اللي فوق تبيضوا و فتح لونهم، بس اللي تحت لأ!! مادري ليش
و صار شكلي يضحك لأن اسناني اللي فوق لونهم غير عن اللي تحت s: 

الحين محتاره مادري شسوي!! اجرب استخدمه مره ثانيه ولا لأ؟؟

2 التعليقات:

Addictioneer يقول...

استخدميه مرة ثانية... بس حق الضروس اللي تحت
:)
اذا يصير طبعا


بغيت اعرف اذا لها اعراض
لاني سمعت ان بعض انواع التبييض تقوم بتوسيع مسمات الاسنان. فلما ترد للاكل العادي راح تنصبع اسنانك وتصوفر اكثر من قبل

هل عندك فكرة اذا كانت هالطريقة آمنة من هالناحية؟؟

Dear Romeo يقول...

Addictioneer

متردده باستخدامه لأن ما فاد كلش و مفروض لما اقوم الصبح اغسل القى بقايا جل بالتراي و كنت القى فوق بس تحت لأ فاتوقع قاعده ابلعه لول فعشان جذي ما ابيضوا

انا سألت الدكتور هادي اذا ممكن تضر اسناني بأي شكر و نفى هالشي، بس ممكن تكون اسنانك حساسه فتسببلك الم و قالت الاسستنت اذا حسيت بعوار اقدر اخذ باندول بس اذا الالم شديد توقف يوم و بعدين ترد تستخدمه.

انا قريت الليف لت اللي ايي معاه بس مافي شي عن هالموضوع، بس اذكر الاسسستنت وايد شددت علي اني ما اشرب او اكل اشياء فيها صبغات

إرسال تعليق