طلعة العيد

في  العيد طلعنا رحنا تمشينا و عقب تغدينا بالافنيوز

طبعا ساعه هواش على المطعم، يالله آخر شي اتفقنا على مطعم واحد الي اهوا فيلا فيروز

طلبنا سلطة سيزر ويا دياي ، و فتوش و عرايس ، و حمص ، و بطاطا حره، و شيش طاووق فيلا فيروز و عصاير

طبعا اول ما ياب لاسيزر اكل ، اكل ادور دياي ماكو عيزت و انا اقلب بالسلطه وين الدياي ، ولا الاخ ناسي يحط، عاد ناديته و خذا السلطه زادها دياي و ردها، ما عجبتني وايد حسيتها حامضه بزود

الشيش طاووق كان حلو، ترف، عجبنيي و هم العرايس، الحمص و البطاط ما جربتهم

حسابنا طلع 21 و شوية خرده

طبعا ملاحظين ما صورت الاكل ، لي اللي معاي نوعيتهم عسى ما ييت بصور قالو فشلللللللللللله لا تصورين، ذبحوني @:

بعدين رحنا حلنيا بجوكلت بار

 ما يحتاي نتصفح المنيو، عارفين طلبنا

 وردتهم الشهيره لول

ضحكوني اول ما طلبنا فوندو يابو الشمع ركضه ركضه، و ساعه بس ننطر الفوندو يوصل، يعني مادري شحقه حاطين لنا بس شموع!! عشان يشووقونا يمكن

طبعا كلينا الفوندو و دخنااااااااااااااا
لا و ما كملناه بعد

طلبنا كان جوكلت فوندو و قوي هوت جوكليت، حسابنا طلع 10 و شي

سامحوني لأني مو مصوره الاكل، بوست بلعه بس بدون بلعه لول