مطعم أشاز Ashaz

اليوم مطعمنا اهوا المطعم الهندي اشاز الموجود بالافنيوز، رحناله ع الغدا، طبعاً كان حده زحمه فخذوا رقمنا و قالولنا نرد بعد 45 دقيقه
مرت 45 دقيقه و احنا ميتين يوع، رحنا لهم كلمناهم و اخيرااا لقو لنا طاوله، يعني لو احنا مو رايحين جان عطونا طاف
دخلنا قعدنا و نطرونا حول ال10 دقايق على ما يابو المنيو و احنا ما فينا صبر، الصراحه ستافهم بارد وايد ،عيزنا و احنا انادي بس يقولون اوكي اوكي

و اخيرا عطونا المنيو ، و هم طولوا على ما يانا ويتر و خذا الطلب


المقبلات


عصير مانجو و عصير ليمون بالنعناع
يمكن من احسن الاشياء بالمطعم ان عصيرهم كان تمام و باارد، انا ملاحظه اغلب المطاعم يكون حار

سلطه جنه اسمها سلطه الدياي او شي جذي مو متذكره ، كانت حلوه و راهيه، احنا 4 اشخاص كلينا منها، صلصتهم غريبه و حلوه، انا انقضيت ع الطماط لول

خبز نان، طلبنا بالثوم و بالجين، اللي بالثوم زين ، و اللي بالجبن مو ذاك الزود

برياني دياي، الويتر لما يحطه داش بقوه، يحط الجدر و ينجب لكم لول
احنا اول شي قلنا نبي الفلفل ميديم ولا يقول ميديم يعني حار وايد لول، قلناله خلاص حط اقل شي
لما ياب البرياني انا اول شي حسيت جنه جدرهم صغير بس والله كفى و زاد ما شاء الله فيه بركه

دياي تندوري، اذكر لما طلبناه قلنا حق الويتر نبي بدون فلفل ولا يقول ما يصير لازم فلفل، و ساعه بس افهمه ان يحط اقل كميه ممكنه من الفلفل، ما بغى يفهم
حلو الدياي، صج شكله شويه بس القطع كبار و تشبع، و شويه حار، انا ماحب الفلفل و الاكل الحار بس عادي كليته ما فيه وايد 
طبعا البصل صك راسنا بريحته لول، مادري ليش حاطين هالكثر، يمكن عشان يترسون  الصحن خخخخ

حسابنا طلع 19 دينار و شوية خرده، بالنسبه حق 4 اشخاص زين و وايد معقول
بس لو تلاحظون احنا ما طلبنا لكل وحده وجبه بروحها، لا تشاركنا و هم البرياني زاد
فيعني لو نوعكم اكيلين أو كل واحد يحب يطلب وجبه بروحه راح يطلع السعر وايد اغلى

هل راح اكرر التجربه؟
لأ

ليش؟
لان السيرفس مالهم تعباااااااااان 
وايد تعبان، ربع ساعه على ما يابولنا الفاتوره، ما باالغ يمكن كل الويترز اللي بالمطعم قلنالهم بس كلمن يقول اوكي و طاف
تخيلو نقول للويتر يقول اوكي، شوي ولا اهوا قاعد ينظف الطاوله اللي يمنا، هو احنا شقايلين لك تونا؟؟
صج يعني يبطون الجبد، اهم شي بالمطعم الخدمه، و اهما خدمتهم صفر

7 التعليقات:

Gold Medal Ribbon يقول...

wyyyyyyyy thakrteeeenii feeeeeeeh o 7adiieshtahaitaa!!;(
3alaaaaich bil3afya 7abeebtii;**

Ducati يقول...

لووول احب هالنوعيه من البوستات

هههه ابدعتي بصراحه

والى الامام سر وخيتي

عاد انا اموت على الاكل المفلفل

Dear Romeo يقول...

Gold Medal Ribbon

Allah y3afeech babe ;)

Dear Romeo يقول...

Ducati

عيل ابشر، يايك وايد من هالنوعيه من البوستات!!
تدري هاليومين مطيحينله مطاعم ;)
تسلم

iyaa يقول...

زين عرفنا عشان ما اروح له P:
انا اكثر شي يخليني احب المكان او لا السيرفس مالهم
اعتبره اهم شي.. :)

Dear Romeo يقول...

iyaa

لا ظليمتهم شينه، اهوا زين اكله
بس العله بالسيرفس، وايد باردين عاد مادري اهما كل مره جذي ولا بس يومنا حظنا كان جذي
و على قولتج اهوا اهم شي السيرفس

سلة ميوّة يقول...

عليكم بالعافيه

ومبارك عليكم الشهر وعساكم من عواده:***

إرسال تعليق