P.F. Chang's

مساء الخير

امس رحنا الافنيوز و قررنا نجرب مطعم P.F. Chang's و نذوق الـ Dynamite Shrimp  اللي الكل يمدحه

كنا اول شي نبي نتسوق فقلنا نحجز عندهم لان خفنا يكون المطعم فل، كلمنا الرسبشن بس ما رضوا، يقولون اقل شي يحجزون طاوله حق 10 و احنا كنا وايد اقل، بس اللي بالرسبشن قالت راح تحاول ان تخلي لنا طاوله

لما رحنا اشوه ما كان وايد زحمه و حصلنا طاولة، طلبنا 3  Dynamite Shrimp و SWEET & SOUR CHICKEN و ALMOND & CASHEW CHICKEN و MONGOLIAN BEEF ، و بيبسي و سفن أب و انا خذيت لي عصير مانجو

طبعا ما صورت كل شي لان كنا يواعه و صار هجوم لول

وهذا طلبنا و وصل :]

 عصيري، كان زوين

الغريب ان القلاص كان بارد بس العصير حار، و هم القلاص صغير مقارنه بقلاص البيبسي 

على اليمين SWEET & SOUR CHICKEN و على اليسار MONGOLIAN BEEF

الدياي كانو حاطين معاه اناناس

 هذا حبيب الكل dynamite shrimp

و هذي فاتورتنا 

بشكل عام كانت تجربه حلوه، خدمتهم سريعه و اكلهم لذيذ و يشبع

الشي اللي لفت انتباهنا و احنا طالعين ان كل الطاولات طالبين Dynamite Shrimp كلهم بدون استثناء

ملاحظه:

و انا احوس بموقعهم لقيت ان عندهم GLUTEN FREE MENU ، منيو خاص بالناس اللي يعانون من حاساسية الغلوتين، بس مادري اذا هالمنيو موجوده بالكويت

للي حاب يعرف اكثر عن هالموضوع ، يروح هني

بالانجليزي عند دندرمه

بالعربي عند فرانكوم