مبارك عليكم الشهر

حبينا نهني قراء مدونتنا الاعزاء بحلول شهر رمضان المبارك، مبارك عليكم الشهر و كل عام و انتم بخير

Life With Cacao

يوم الخميس بعد ما خلصنا من Viva ، رحنا Life With Cacao

هذي مو اول مره نروح فيها كاكاو، بس هالمره اكتشفنا اطباق يديده

المنيو، الصور تشووووووووق

نستعد للطلب Pp;

وصل البراوني حبيب الكل
اول شي انا على بالي اللي ع اليسار ايس كريم ككاو بس اختي نبهتني ان كريمة ككاو
اول شي ما بغيت آكل منها خفت تغثني بس والله كانت زينه، يعني مو اللي ثقيله و تقعد ع الجبد، طلعت اخف من اللي توقعته
و البراوني ما يحتاي اقول كان عجييب، قضيت عليه، بس لو كان حار اكثر كان راح يطلع احلى

لذيييييييييذ

و هذا طبق عجيب وايد وايد، و اسمه  Tortofu
اهوا عباره عن ككاو من بره و داخله ايس كريم بنكهه الفانيليا و الفستق و الفراوله

خالتي و اختي كانو سابقينا و محلين قبلنا، نفس الاطباق بالضبط خخخخخخ
بعدين تصفحو المنيو و اشتهو سلطه و فرايز، عاد طلبو سلطه بس مادري شسمها
و كانت لذيذه على كلامهم

كانت تجربه حلوه و اكيد راح نعيدها ان شاء الله

Madame Sucre's Ramadan Menu

اليوم وصلني ايميل من Madame Sucre فيه المنيو مالهم حق شهر رمضان الكريم

ثيم المنيو اهوا Arabian Nights

و الشي اللي صج ونسني ان عندهم بعد منيو خالي من الغلوتين حق اللي عندهم حساسيه من الغلوتين، و الطلب لازم يكون قبلها بيومين

ع العموم انا بحط لكم الايميل نفسه عشان لا انسى اذكر التفاصيل

Bonjour Dear!

 I'd like to share with your readers our Ramadan Menu .

Madame Sucre- Vintage Dessert Boutique - has launched its Ramadan Menu with the theme " Arabian Nights". ( 24 hrs in advance) .

our desserts are designed like beautiful jewelery & magical gems , we have "Neqsat Ermothan" gift boxes ready to order with fresh flowers & desserts. Also customers can order by the dozen . Our regular cakes are still available too.

We are also proud to announce our Gluten Free menu ( 48 hrs in advance please) .

و الحين اخليكم مع المنيو

ضغطوا ع الصورة عشان تتكبر

الشي اللي عجبني بالمنيو انه متنوع، و فيه كل شي تقريبا، يعني في اشياء تصلح حق اذا بتسيرون على أحد و في شغلات تصلح حق اللي بيسوون غبقه

للأمانه انا عن نفسي ما جربت شغلهم، بس من شكله مبين حلو و مرتب و اسعاره مناسبه، و كل الReviews اللي قريتها عنه تمدح شغلهم

ان شاء الله بنجربهم عن قريب و اكيد راح اقولكم رايي

اللي حاب يعرف عنهم اكثر

موقعهم

البلوق

FB

و تقدرون اتابعونهم بتويتر

 @MadameSucree

تغطية : فيفا للإتصالات تعلن عن توقيع عقد شراكة مع نادي مانشستر يونايتد لمدة خمس سنوات

تمت دعوتنا من قبل شركة فيفا للإتصالات لحضور حدثهم الرياضي يوم الخميس في مجمع 360 الساعه 3.45 مساءاً

أكيد اكثركم سمع بالحدث سواء عن طريق الجرايد او الانترنت

الصراحه استمتعنا جدا بوقتنا، و تشرفنا بلقاء الاسطور براين روبسون

من ضمن الحضور كان الاعلامي المميز بركات لاوقيان، و المذيع المتأق عمر العثمان و غيرهم الكثير

في البدايه كان في عرض فيديو عن فريق مانشستر يونايتد ، بعدها مؤتمر صحفي بسيط عن عقد الشراكه بين شركة فيفا و النادي الانجليزي العريق نادي مانشستر يونايتد اللي راح يمتد لمدة 5 سنوات ان شاء الله و تحدث فيه ممثلين الطرفين

بعدها عطوا الفرصه للجمهور انهم يوجهون اسئله سواء للاسطور براين روبسون او للبدران، الصراحه اثنيناتهم كان دمهم خفيف و استمتعنا وايد بالاسئله و الاجوبه

في ختام فقرة الاسئله، طرح لامذيع سؤال خطير على براين روبسون و قاله ، بعد ما امتدحت منتخبنا للتو، هل انت مستعد لتدريب منتخب الكويت و قيادته في كأس العالم اذا عرض عليك الامر

و كان الرد if you do qualify to the world cup finals like you did in spain 1982, then give me a call

و في الختام تم السحب على جائزتني لحضور مباراة مانشستر يونايتد الافتتاحية هذا الموسم و كان لافائز الأول احد الاخوه الBlogger

و الفايز الثاني اخونا مايك مبلتع

و في النهايه خذا الكل صورة تذكاريه مع  كأس الدوري الإنجليزي

اخليكم مع الصور

الطابور قبل لا ندش

البطاقات اللي تم السحب عليها

طاولة الضيافة

الView من مكانا

طبعا طول الوقت و قبل لا يكشفون عن هوية نجم مانشستر يونايتد كان براين روبسون قاعد هني

المؤتمر الصحفي

 لحظة الكشف عن الكاس

القرعة

الفائز الأول

مايك مبلتع الفائز الثاني

و كالعاده قبل لا نطلع قدمولنا هدية من شركه فيفا

احب اشكر شركة فيفا للاتصالات على حسن ضيافتهم و عملهم المنظم اكرمكم الله، استمتعنا وايد و اليايات اكثر ان شاء الله

شكر خاص للأخت مي السبيعي

Bloggers Gathering

اليوم رحت و سجلت في Bloggers Gathering

اليوم كان اليوم الاخير للتسجيل على فترتين صباحه و مسائيه، و التسجيل في فندق الرجنسي قاعة سهام

وصلنا

اول ما دخلت القاعه اشوه ما كان في زحمه، على طول عطوني فورم التسجيل و عبيت بياناتي، وايد كانو حبوبين و خدومين، و هم ضيفونها ما قصروا

و بعدين خذينا بطاقة الدعوه و شرحولنا شوي عن الEvent و عطونا كرتهم و الامساكيه مالتهم

وايد حبيت شكل البطاقه، حسيته مبتكر


متشوقه حق الEvent ، احس راح يكون شي مميز
جزيل الشكر للقائمين على هالEvent  الحلو


و هذا موقعهم للي حاب يعرف اكثر عن الموضوع
http://bloggersgathering.com/

مستشفى الأميري و الخدمات الفندقيه!!

ذاك اليوم رايحه الاميري، و انا بالاسنسير قاعده اتمقل باللوحه ، ولا مكتوب خدمات فندقيه لوول

اي خدمات فندقيه اي بطيخ؟ حال المستشفى يفشل ما جنه في بلد حضاري و الربع كاتبين خدمات فندقيه

يصير خير!!

Victoria Secret

اليوم بقولكم عن كريم و عطر واااااااايد احبهم

من Victoria Secret، ما توقعت بحبهم هالكثر، ريحتهم عجييييبه و الحلو باللوشن ان يطول، يعني تغسلين ايدج جم مره و لي الحين ريحه الكريم موجوده و هم تحسين ايدج ناعمه كأنج توج حاطته، بعكس لوشنات Body Shop اللي بسرعه يروحون ولا جنج حاطه

العطر و اللوشن اسمهم Endless Love

و هذي صورة الست الكامل منGoogle 

Romano's Macaroni Grill

اليوم الـReview مالنا راح يكون عن مطعم رومانوز ماكاروني قريل

مطعم ايطالي موجود بالافنيوز يم تشيليز

اول ما دخلنا كان الستاف موجود بره لاستقبالنا، و كان المطعم فاضي

طاولتنا

الـ view مالي لول

المنيو

الحلو انهم حاطين ع الطاوله قرطاس و الوان شمعيه عشان تلونون و تكتبون على كيفكم

و اول ما يالنا الويتر كتب اسمه ع الطاوله لا و بالمقلوب بعد يعني حركات

مشروبي المفضل ليمون بالنعناع، حلو

هالطبق عجييييييييب

باستا

فور سيزنز بيتزا

طبعا طلبنا اطباق ثانيه بس ما صورتهم تدرون اليوع كافر 

جربنا سلطة سيزر و كانت لذيذه و الحلو فيها ان راهيه مو شويه ما مداكم تذوقون الا مخلصه

رايي بشكل عام:

وايد حبيت الهدوء و ان المعطم كلش مو زحمه

اكلهم لذيذ و احلى شي ان تقدر تطلب منهم يزيدون الباستا جبن و يبشرونها جدامكم لما تقولون بس

اسعارهم وايد وايد وايد زينه

احنا كنا خمس اشخاص و طلع حسابنا 36  شوية خرده ، و طبعا ما خلصنا الاكل فخذينا البيتزا و الباستا الثانيه تيك اوي