Bath & Body Works

اول شي هالبوست اهداء حق اختي الغاليه رورو صاحبه بلوق شخبوطة كويتيه

اكيد اغلب البنات قاموا يستخدمون منتجات Bath & Body Works من عقب ما فتحو عندنا بالكويت

انا اول كنت احب The Body Shop بس لما جربت Bath & Body Works حسيت فررررررررررق السما عن الارض

اهم شيين فرق السعر و الجوده

منتجات Bath & Body Works بعد ما جربتها اكتشفت انها احسن لأن ريحتها تظل ، مو The Body Shop كريمهم ماي مايوه و من اول مره تغسلين ايدج تروح ريحته ولا جنج توج حاطه

الحين بقولكم عن احلى مجموعة جربتها من Bath & Body Works

اهيا Japanese Cherry Blossom

عجييييييييييبه، استخدم عطرها حق الصبح لانه Refreshing و منعش

و زبده الجسم هم حلوه، تنعم و ريحتها تطول ما تروح بسرعه

  البدي لوشن و الشور جل

 كريم الايد

 العطر

زبده الجسم 

انصح فيها وايد وايد و كل اللي اعرفهم و استخدموا هالمجموعه عجبتهم

عاد الحين هابين بParis Amour ان شاء الله اذا خلصت هالمجموعه بجربها

انتو قولو لنا شنو جربتوا من عندهم و شنو عجبكم؟

Lip Care

بما ان شفايفي دعله و كله متشققه و جافه و مطلعه روحي

قمت اجرب كل شي لعل و عسى القى شي يخليها احسن

و راح اوريكم شنو الاشياء اللي استخدمها و شنو اللي حبيته و اللي ما حبيته

بالترتيب من تحت لي فوق

لابيلو فروتي شايني، زين بس ماحب اللمعه، باطين جبدي ليش قامو ما ينزلون القديم اللي بدون لمعه كان عجيب

الاسود ماخذته من Bath & Body Works حلو منعش رحيته على نعناع و انا احب جذي و فيه حمايه من الشمس و جنه بعد فيتامين E

الثالث لابيلو هم بو لمعه بس لونه غير عن اول واحد، و مو حابه سالفه اللمعه احس مالها داعي، ماحب براطمي تملع و تلق s:

الرابع مال سيبا ميد، كل من مدحه لي  و يت فتره تشققت شفايفي حيل و استخدمته بس مادري ما حسيت وايد نفع، بس حق الاستخدام اليومي زين، و عيبه الوحيد احس فيه ريحه مادري شلون صايره

اخر واحد الابيض من البيان دنتل كلنك، حلو و استخدمه من وقت لي ثاني

الحين انيي حق الشي اللي استخدمته و له مفعول سحري

الشي الوحيد الي فادني وايد

لب سكرب ماخذته من The Manhattan

 طعمه على براون شقر، طريقة الاستخدام انج تاخذين منه شوي بصبعج و تحطينه على شفايفيج و تسوين لهم مساج بطريقة دائريه لعده دقائق، بعدين تمسحينه بكلينكس او فوطه صغيره

راح تحسين ان شفايفج صارت ناعمه، و حمره لول

و طعمه عجييييييييييييب

سعره 8 دنانير

طبعا اول شي استغليته لأن وايد صغير ، شوفو حجمه مقارنه بالزبده مالت لابيلو

بعدين قلت خل اجربه ، و جربته و عجبني

تقدرون تطلبونه من هني