تبون ايفون فور اس ؟ - Want Iphone 4S?

VIVA تطلق مواقع أفرعها على تطبيق foursquare كأول شركة اتصالات كويتية 

أعلنت شركة الاتصالات الكويتية VIVA  عن إطلاقها لمواقع أفرعها التجارية على تطبيق foursquare  الاجتماعي و الذي يتزامن مع طرح الشركة لجهاز iPhone 4S  في جميع أفرع الشركة المنتشرة في جميع أنحاء الكويت. و سوف يتمكن جميع مستخدمي foursquare  من معرفة مواقع أفرع  VIVA  بالإضافة إلى أخر عروض و خدمات الشركة  فور طرحها في الأسواق من خلال هذا التطبيق و على جميع الأجهزة الذكية.

و تدعوVIVA  جميع مشتركيها لزيارة فروع الشركة في مطار الكويت الدولي ومجمع الأفنيوز ومول 360، في يوم 10 يناير القادم للاستفادة من الفرصة الذي تخولهم لكي يكونوا    “Mayors” لأحد هذه الفروع و الفوز بجهاز iPhone 4S  الجديد مجانا. و كما سوف يتم الإعلان عن مسابقات و عروض مميزة لجميع العملاء من خلال هذا التطبيق. 

VIVA branches location now available on foursquare

Keeping in line with Kuwait Telecommunication Company VIVA’s commitment in being the pioneer to offer the latest social media technologies, VIVA has announced today the launch of its commercial branches’ locations on foursquare as customers will now be able to locate any of VIVA branches on the foursquare app through their smart devices. Moreover, all of VIVA’s latest promotions and offers will be made available on this app.
Customers are invited to visit VIVA branches at the Kuwait International Airport, the Avenues Mall and 360 Mall on January 10th 2012 to benefit of becoming a “Mayor” to one of those branches and get the chance to win the new iPhone 4S that was recently launched by VIVA.  In addition, VIVA will launch several offers and promotions on the foursquare app to better interact with the customers.

يالله منو يبي ايفون؟

راح يصير في منافسه مو طبيعيه

شناطرين؟ يالله همتكم

VIVA Kuwait نبي فزعتكم الازرق يستاهل

في بادره طيبه منها، قامت شركه فيفا للاتصالات بدعوة المدونين لحضور مباارة منتخبنا الوطني ضد كوريا الجنوبيه غداً على استاد الصداقة و السلامه و خصصت مشكوره مقاعد خاصه للمدونين في المقصورة

للأسف عندي التزامات و ما راح اقدر احضر المباراة، بس احب اشكر VIVA على البادره الطيبه، ما قصرتوا رايتكم بيضه

و بالتوفيج للأزرق، ثقتنا فيكم كبيره، عسى ربي يوفقكم ، و يكون الفوز حليفكم

غبقة فيفا للمدونين VIVA Bloggers Ghabga

تلقينا دعوة من شركة  فيفا للاتصالات لحضور غبقتهم الرمضانية في فندق مارينا مول في خيمة قمر مارينا بمطعم Six Palms  الساعة 9 و نص

وصلنا قبل الوقت بنص ساعه تقريبا، كانو حاطين فوانيس و شموع عند المدخل و اول ما دشينا كتبنا كلمة من بلوق Dear Romeo لفيفا و عطونا اوراق فيهم ارقام

دشينا و الجو كان وايد حلو ، كل شي على الوان شعار فيفا تحس كل شي يقول فيفاااا

طاولتنا

الاجواء كانت عجيبه، مع الاضاءة، روعه

كل طاوله حاطين عليها سلتين فيهم قروضات

بعد ما قعدنا بشوي حطولنا نخي و باجلا و ترمس و جزر

قدمو لنا فيمتو و تمر هندي، و هم عصاير

فلافل

 كان في نافوره بالنص، شوفوا بطول الماي شلون حاطينهم؟ يشوقون مو؟

و حاطين فوانيس دار ما دار النافوره

بدت الغبقه بكلمة من الاخ محمد اليعقوب رحب بالمدونين و شكرهم على حضورهم

حلو التقديم

عريف الحفل كان مايك مبلتع و بدع الصراحه، ما شاء الله هالانسان شكثر دمه خفيف

بعدين كانت المفاجأة، عرضوا لنا Breaking News عن البلاقره لوووووووووول يعين البلوقرز

هذا لنك لتسجيل البريكنق نيوز http://www.4shared.com/audio/I4N5fMHw/1_Audio_Track-mp3.html

بعدين استضاف المذيع طلال الياقوت

و استضاف ع الستيج المدون مبارك اسماعيل من مدونة Hi Kuwait و تكلموا عن بعض المشاكل اللي تواجنا كمدونين و منها مشكله الاختراق و الهاكنق

بعدين استضاف المذيع عبدالوهاب العيسى

 و هم استضاف المذيع و المدون عمر العثمان  Omarker

 سوو مسابقات حلوه للمدونين و فازت نور بايفون و فاز Kuwaitiful بجهاز موتورولا زوم

و اخيرا استضاف بنيتنا الحلوه لجين صاحبة مدونه Lujain Talks، اصغر مدونه كويتيه ، و سوو سحب على تذكره لحضور مباراة مانشستر يونايتد

و طلع رقم  المدون مبارك اسماعيل من مدونة Hi Kuwait اللي اعتذر و قالهم يسوون سحب ثاني لان ما عنده اهتمام بالكره

و تسحب لجين للمره الثانيه

و يطلع رقم المدون ابو فلان و اهوا بدوره هم اعتذر عن الهديه لأنه مو مانشستراوي لول

و تسحب لجين للمره الثالثه

و اخيرا فاز شخص و قال انه بيروح و ما راح يتنازل عن الجائزة لول

و آخر شي البوفيه

صورة جماعية للمدونين

و بالاخير و احنا طالعين قدموا VIVA هديه لكل المدونين

مشكورين VIVA ما قصرتوا ع الاهتمام بالمدونين، استمتعنا جدا بالغبقه اللي كانت مميزه

شكر خاص للأخت مي السبيعي

Thank you guys, you never fail to impress me & you're definitely setting the standards high ;) 

VIVA Ramadan Gift هدية فيفا للاتصالات بمناسبه شهر رمضان

اليوم الصبح لما قمت من النوم قالتلي الخدامه في شي يابوه اليوم حقي

رحت الصاله ولا القى هالجيس الحلو من Viva

طبعا حدي استانست :) احب المفاجآت

البطاقه

البطاقة من ورا فيها امساكية

سي دي سورة ياسين، حق السياره

و هذا الحلو

تصميم البوكس وايد حلو، حبيت فكرته

مشكورين VIVA على التواصل و الهدية الطيبه

 احرجتونا بكرمكم، مو غريبه عليكم