Boots, Buy 2 Get 1 Free

قبل اسبوع تقريبا مريت صيدلية بوتس الافنيوز كنت ابي اشتري Sun Block و بالصدفه كان عندهم عرض، تشترين شغلتين من نفس الماركه يعطونج الثالثه فري

انا خذيت لي Sun Block من N°7 و يايه باخذ لي بعد شغلتين من نفس الماركه ولا انصدم، تقولي اللي تشتغل هناك ان الكريم مو داش بالعرض :S شي غريب يعني، ليش اهوا مو ايتم و مو انا شاريته  و من نفس الماركات اللي محددين عليها عرض

عاد قمت خذيت لي 3 شغلات ثانيه من Rimmel London

اكثر شي حبيته كان الكحل، لونه حلو قامج و شعره وايد رخيص مقارنه بديور، انا كنت اشتري كحل ديور سعره دبلات هذا، بس الفرق هذاك ايي معاه برايته و يكون القلم اطول، بس من يوم و رايح راح استخدم هذا وايد ارخص و زين

ما اذكر الاسعار بالضبط بي اظن  الماسكارا كانت ب 3 و 800 و الآي لاينر ب 3 و نص و الكحل ب دينار و 800 و الكريم ب5

طبعا لان الكحل ارخص واحد فيهم فصار فري

ماسكارا من Rimmel London اهيا 2 ان 1

وحده تطول الرموش و الثانيه تكثف بدون لا تسوي كتل، جربتها امس و طلعت وايد حلوه

احسن من ملوت MAX Factor

آي لاينر اسود من Rimmel London لي الحين ما جربته