Home Made Oreo Ice Cream

قبل فتره حطيت صورة آيس كريم مسويته بالبيت و وعدتكم احط لكم الطريقه

الطريقه مو لي، ماخذتها من وحده من الأهل و غيرت فيها شوي، بس الصراحه الايس كريم مالها كان احلى فبحط الطريقه الأصليه و شنو اللي غيرته فيها

المقادير:

علبتين روب اكتيفيا 

3 علب دانيت

4 علب ايس ويب (بودره الأيس كريم)

اي نوع ككاو تحبونه تكسرونه قطع - انا حطيت بسكوت اوريو بس يطلع احلى مع المارس و السنيكرز و التويكس

كلهم نحطهم بخلاط الكيك لما يتكون عندنا مزيج تحسونه ثقيل، بعدين تحطونه بصحون التقديم

اشوه عجب الأهل بس قالو لو حاطه معه مارشميلو كان راح يطلع احلى

Ramadan Greetings from Bayan Dental Clinic

اللي حاب يعرف اكثر عن عيادة بيان

تابعوهم في تويتر 

@bayandentalkw

موقعهم 

رقمهم

23824000

حلويات رمضان من كيك آند بيك

طبعا تقدرون تطلبون منهم هن طريق موقعهم و يوصلونه لي بيتكم

www.cakenbake.com

اذا تبون تشوفون شغلهم تابعوهم في تويتر

@Cakenbakekw

موقعهم

FB

Instagram

@cakenbakekw

رقمهم 1834834

معرض الأواني المنزليه في جمعية الروضه

هالاسبوع رحت معرض  الأواني المنزليه في جمعية الروضه

طلعت روحي على ما شريت الي ابيه و طلعت، فنصيحه للي بيروحون روحو مبجر على ال9 او 8 و نص، لأن عقبها بيصير زحمه

زحممممممه و المكان ضيج و الحريم الله يهداهم الا يقلقصون عرباناتهم، الواحد يالله يمشي هالمره كل وحده اتير عربانتها وراها!

طبعاً اكثر شي المطاطير اشكال و ألوان، حتى في بعضهم صغااار نتفه يضحكون

لقيت طقم مواعين حلوين في منهم فضي و ذهبي بس من كثر الزحمه ما خذيت، خذيت لااشياء الضروريه و هذيل قلت بروح يوم ثاني

و هم كان في اطقم استكانات ناعمين حلوين حق الاستعمال اليومي و في شغلات تصلح حق اليمعات و الزواره

لقيت مواعين التقديم البيض العاديين اللي كنت ابيهم ، و سعرهم حيل مناسب، اظن اغلى شي شفته ب5

و هم في اطقم قهوه حلوين يشوقون، بس ما خذيت لأن محد يحب القهوه عندنا

قوالب الكيك اللي بغيت منهم ما حصلت

السيليكون يايبين نفس المقاسات اللي عندي، و الحجم الكبير مافي الا على شكل دبدوب :(

بس الحمد لله اغلب الشغلات اللي بغيتها حصلتها :)

Pizza Tart - تارت البيتزا

صباح الخير

قبل فتره خواتي النوري و شخبوطه كويتيه حطو بوست عن استعمالهم للتارت المالح و الحلو من سويتييز

و انا افتره بالجميعه ذاك اليوم لقيته و تحمست اسويه

التارت جاهز فالطريقه حيل سهله، كل اللي عليج انج تحشينه باللي تبين

انا جربت المالح، الحلو لي الحين ما استخدمته

و طبعا اسهل شي خلطة البيتزا

اول شي تدهنون القالب بسوس البيتزا الجاهز

اذا مو متوفر الجاهز انتو تسوونه، بالخلاط كتشب و شوية معجون طماط و رشه زعتر بودر وبصل مقطع صغار حيييييل

و بعدين تضيفون اللي تبونه، فلفل بارد و مشروم و نقانق و ترشونه بجبن موزاريلا

بعدين تدخلونه الفرن و تحمرونه من فوق، بس من فوووووق لأن اذا شغلتو الفرن من تحت راح يحترق القالب و يصير يابس 

الشكل النهائي

رايي فيه: الحلو فيه انه شي على السريع و شكله مرتب

اخوي الصغير سماه بسكوت البيتزا لأن التارت شوي يابس

بس بشكل عام زين

Danderma's Yawmyat Wa7da Q8ya Dathra Volume 2 is Now on Sale

لكل محبين دثوره!

 الجزء الثاني من يوميات وحده كويتيه داثره نزل و تقدرون تحصلونه ب 52 Degrees  اذا انتو بالكويت

و اذا انتو بره الكويت تقدرون تطلبونه من هني

و انشالله عن قريب بينزل في Amazon

اللي ما قرو الجزء الأول انصحكم تقرونه، عجيب و خفيف و يضحك

مشكوره دندرمه على الكتاب :**

قرقيعان الحرملك من Madame Sucre

قرقيعان الحرملك من Madame Sucre

شكله حيل يشوق و مرتب و مميز لي الحين ماشفت  شي عجبني مثله! 

تسلم ايدها صج متعوب عليه

لدينا ٥ حريم السلطان و ١ سلطان قاعدين علي البوكسات 

البوكسات لها تصميمين : المورد او موزاييك التركي

شنو فيهم؟ 

اختيارين:

الاول : بسكوت المعايدة قفطان السلطان ، و مغلفات صغيرة و مرتبه فيها فستق مبشور ، جوز ، مشمش ، ورد محمدي ( عجيب مع الحليب الحار ) ، بسكوت ميني يد هويام . 

الثاني : بسكوت يد هويام ، و بسكوت شوارب السلطان ، و الباقي نفس ما ذكرنا بالاختيار الاول .. 

تقريبا كل بوكس فيه ٨ مغلفات صغيرة 

طريقة الطلب بالهاتف ٩٩٥١٥٥٩٩ ( من ٤ عصرا الي ٨ مساءا ، و في ايام عطلة الاسبوع من ٩ صباحا الي ٦ مساءا ) و راح تتغير المواعيد في شهر رمضان و نخبركم عنها انشالله .. 

او عن طريق الايميل sugarmemories@yahoo.com 

التوصيل و الاستلام يكون في اول اسبوع من رمضان . 

السعر ١٠ دك للعلبه { اقل طلب ممكن ٥ علب } 

و تقدرون تحصلون تفاصيل اكثر عن منتجاتهم بموقعهم او صفحة الفيس بوك او بلوقهم 

بلوقهم

موقعهم

FB

و تقدرون اتابعونهم في تويتر

 @madamesucree

بلوزه العدسات

و انا اتسوق بالافنيوز لقيت هالبلوزه و اول ما طاحت عيني عليها طرت على بالي العدسات

جنه ملزقين عليها عدسات لول

اظن شفتها بمس سلفردج

آخر فناتق بطاقات العروس (2)

مساء الخير

مادري اذا تذكرون مره حطيت موضوع عن بطاقه عرس لقيت فيها شي غريب اول مره يمر علي (تلقونه هني)

و اليوم وصلتنا بطاقة عرس من نفس العايله و فيها شي اغرب بعد و يضحك

مادري اذا مر عليكم ممنوع المنقبات من قبل، بس انا اول مره يمر علي و اللي يضحك ان حاطين رسمه

كعكة التوت البري من كيك آند بيك

كيك آند بيك منزلين كيكة يديده حق الصيف، كيكة التوت البري

شكلها يشوق و احص تصلح حق الزواره

تقدرون تطلبونها من موقعهم

http://www.cakenbake.com/ProductDetails.aspx?id=MwA2ADgA&cid=OAAxAA==&Sp=Yes

اذا تبون تشوفون شغلهم تابعوهم في تويتر

@Cakenbakekw

موقعهم

FB

Instagram

@cakenbakekw

رقمهم 1834834

Review: Cherriez

آخر تجربه لنا  مع الفروزن يوقرت كان لـCherriez  فرع جمعية مشرف

طلبنا الميني سيريز بوكس اوريجنال، الميني شيريز بوكس هو منتج عائلى ذو قيمة عالية يحتوى على 12 كوب سعة كل كوب 4 أونص مغلفة بصندوق حافظ للبرودة، سعره 4.950 

اختي خبيره الفروزن يوقرت بالعايله ما عجبها وايد، اول ما كلت منه قالت احس حاطين فيه وايد شكر و تقول حسيته فيه فات مع ان بتويتر مكتوب انه فات فري، شلون حست مادري لول.

الوالد على انه ما يحب الفروزن يوقرت خير شر، هذا عجبه، يقول احسن من بنك بيري و بك يو، لاهو حامض ولاهو وايد حلو

 و ترسنا الفريزر D:

اكاونتهم في تويتر @CherriezQ8

موقعهم

تلفون : 22474888